Әділ Ғалиахметов Олимпиаданың финалына шықты

Қазақстандық шорт-трекші Бейжіңдегі Олимпиада ойындарында 1500 метрге жарысқа финалға шықты, деп хабарлайды Vesti.kz тілшісі.

Жартылай финалда Ғалиахметов соңғы, үшінші топта жарысқа түсті. Ол сайыста 2:18:31 уақыт көрсетіп, алтыншы орын алған еді. Бірақ бейнеқайталаудан кейін Қытай спортшысы жарыстан шеттетіліп, Ғалиахметов финалға шықты. 

Еске салайық, 1/4 финалда ол Денис Никишамен бірге жарысты бастап еді. Бірақ Никиша нидерландылық Ицхак де Лаатты құлатып, жарыс жолынан шығып қалған еді.