Назарбаев Қазақстан құрамасын Универсиадада сәтті өнер көрсетуімен құттықтады

Мемлекет басшысы 28-ші Бүкіләлемдік қысқы Универсиадада жоғары көрсеткішке жеткен ұлттық құрама мүшелерін құттықтады, - деп хабарлайды Tengrinews.kz тілшісі Ақордаға сілтеме жасап.

"Жалпыкомандалық есепте Қазақстан екінші орын алды, тартысты күресте жеңіп алған медальдарыңыз - еліміздің абыройы, жалпы спорттың даму көрсеткіші. Сіздер дайындықтың жоғары деңгейін, жеңіске деген ерік-жігерді көрсетіп, қазақстандық спорт мектебінің атағын қорғадыңыздар. Универсиада-2017 барлық қазақстандық үшін нағыз спорт мерекесі болды. Спортшыларымыздың жеңісі қысқы спорт түрлерінің дамуына жол ашып, келесі ұрпаққа үлгі болуы керек. Универсиаданың ұйымдастыру комитетіне осы жарыстарды жоғары деңгейде өткізгені үшін алғыс айтамын. Барлық спортшыға мықты денсаулық және спорттағы шыңдарды бағындыра беруін тілеймін", - деп келтіреді Назарбаевтың сөзін Ақорданың баспасөз қызметі.