Қазақстан құрамасы Универсиаданың медальдар бәйгесінде екінші орында қалды

Қазақстан құрамасы Алматыдағы Универсиада-2017 ойындарының медальдар бәйгесінде екінші орнын сақтап қалды, - деп хабарлайды Vesti.kz қазақ бөлімі.

Ал бірінші орынды 68 медаль жеңіп алған Ресей құрамасы (27+26+15) алды. Екінші орында Қазақстан құрамасы - 34 (11+7+16), ал үшінші орынға Оңтүстік Корея тұрақтады - 21 (11+5+5).

Ертең, 8 ақпанда 30 шақырым қашықтыққа шаңғышылар масс-старты және хоккейден медальға талас матчтары өтеді.

Оңтүстік Корея құрамасы жарыс қожайынына медальдар есебі бойынша қуып жете алмайды, себебі спортшылары қорытынды күннің жарыстарына қатыспайды.

Универсиада-2017 ойындарында бүгінге дейін 25 елдің спортшылары жүлде алған. Медальдар есебімен мына жерде таныса аласыз.