UFC ұйымындағы Қазақстанның тумасы Тони Фергюсонды жекпе-жекке шақырды

UFC ұйымында өнер көрсететін қырғызстандық файтер Рафаэль Физиев жеңіл салмақта өнер көрсететін тамымал америкалық Тони Фергюсонды жекпе-жекке шақырды, деп жазады Vesti.kz тілшісі. 

"Менің айқастарымды барлықтарыңыз көрдіңіздер ғой. Мен UFC-ге де жауап бердім. Тони Фергюсонмен кездесуге дайынмын", - деп жазды Физиев "твиттер" парақшасында. 

Еске салайық, Физиев соңғы кездесуін UFC Vegas 44 турнирінде өткізіп, Жаңа Зеландия елінің өкілі Брэд Ридделді үшінші раундта нокаутпен жеңді. 

Ал Фергсюон болса соңғы рет 2019 жылы жеңіске жетті. Ол кезде Тони отандасы Дональд Серронеден үстем болды. Кейін қатарынан үш мәрте жеңілді. 

Айта кетейік, Физиев Жамбыл облысы Қордай ауданында дүниеге келген. Бірақ жас кезінде отбасымен Қырғызстанға көшіп кеткен.