Танымал файтер Қазақстан тумасын UFC чемпионы болатынын айтты

Жеңіл салмақта UFC ұйымының чемпиондық белбеуіне үміткер болған америкалық Майкл Чендлер Қазақстанның тумасы Рафаэль Физиевтің UFC Vegas 44 турнирінде Жаңа Зеландияның өкілі Брэд Ридделлді жеңгеніне байланысты пікірін білдірді, деп жазады Vesti.kz тілшісі. 

"Бұл туралы қазір айтайын. Физиев чемпион болады. Сонымен қатар, біз тірі аңыздың өнерін көріп, ләззат алып жатқанымызды қоса кетейін", - деп жазды Чендлер "Твиттер" парақшасында. 

Calling it now...Fiziev will be a future champion. Also, soak it in...we are watching an absolute living legend and the train just keeps rolling. The mother fudging #KingOfRio #ufcvegas44

— Michael Chandler (@MikeChandlerMMA) December 5, 2021

Еске салайық, бұл турнирде қазақстандық Жалғас Жұмағұлов та өнер көрсетіп, жеңіліп қалды. Ал жекпе-жек кешінің басты айқасында Жозе Алдо төрешілердің шешімі бойынша америкалық Роб Фонтомнан айласын асырды.