Арман Оспанов нокаутпен ұтылған кездесуіне байланысты пікір білдірді

Аралас жекпе-жекте өнер көрсететін қазақстандық спортшы Арман Оспанов (11-4) Professional Fighters League (PFL) промоушеніндегі алғашқы жеңілісі туралы пікір білдірді, деп жазады Vesti.kz порталы. 

Еске салайық, Атлантик-Сити (Нью-Джерси, АҚШ) қаласында өткен жекпе-жекте Оспанов UFC ұйымының бұрынғы спортшысы Крис Уэйдпен (19-6) кездесіп, екінші раундта нокаутпен жеңілді. 

"Өмір - сабақ, әр істің қайыры бар. Адамның дегені емес, Алланы дегені болады", - деп жазба қалдырды Оспанов өзінің Instagram парақшасында. 

Бұл Уэйдтің қатарынан екінші жеңісі болып тіркелді. Ал қазақстандық спортшы болса карьерасында төртінші рет жеңілді.