Еуропа лигасының 1/8 финалына шыққан барлық командалар анықталды

Футболдан Еуропа лигасының 1/8 финалына шыққан барлық командалар белгілі болды. Жеребе тастау рәсімі бүгін өтеді.

1/16 финалда елордалық "Астана" қос ойын қорытындысы бойынша "Спортингке" жол берді. Лиссабондық клуб 1/8 финалмен жарысты жалғастырады. Сондай-ақ бұл кезеңге "Арсенал" (Англия), "Атлетик" (Испания), "Атлетико" (Испания), "Боруссия" Дортмунд (Германия), "Виктория" (Чехия), "Динамо" Киев (Украина), "Зальцбург" (Австрия), "Зенит" (Ресей), "Лацио" (Италия), "Лион" (Франция), "Локомотив" (Ресей), "Милан" (Италия), "Олимпик" (Франция), "РБ Лейпциг" (Германия) және ЦСКА (Ресей) командалары шықты.

Айта кетейік, биылғы Еуропа лигасының финалы Франциядағы "Парк Олимпик Лионне" стадионында өтеді.