Зарина Дияс Чикаго WTA 250 турнирінің іріктеуінен өтті

Қазақстандық Зарина Дияс Чикаго WTA 250 турнирінің іріктеу сайыстарын сәтті өткізді, деп хабарлайды Vesti.kz тілшісі ҚТФ баспасөз қызметіне сілтеме жасай отырып.

Іріктеу сайыстарының 4-ракеткасы болып тіркелген Дияс алдымен рейтингте 448-сатыдағы ұлыбританиялық Эден Силваны 6:0, 6:1 есебімен ойсырата ұтты.

Сайыс финалында ол әлемнің 254-ракеткасы, оңтүстіккореялық На-Лэ Ханьмен күш сынасты.

Ойын барысында 13 брейк-пойнттың 10-ын пайдалана білген Зарина матчте 5:7, 6:1, 6:1 есебімен жеңді. Осылайша Зарина негізгі жарысқа жолдама алды. Чикаго WTA 250 турнирі 23-30 тамыз аралығында өтеді.