Тимофей Скатов Польшадағы турнирдің ширек финалына шықты

Қазақстандық Тимофей Скатов "Челленджер" сериясындағы теннис турнирінің жеке разрядының екінші айналымындағы матчта испандық Хавьер Косано Барранконы (386 АТР) жеңді, деп жазады Olympic.kz.

Бір жарым сағатқа созылған матч 6:2, 3:2 есебімен аяқталды (бас тарту).

Ширек финалда Тимофей Польшадан келген әлемнің 971-ші ракеткасы Ежи Яновичке қарсы ойнайды.

Әлемдік рейтингте 250-ші орында тұрған қазақстандық турнирде жарақат алған жергілікті теннисшілердің бірін алмастырған еді. Бірінші раундта ол планетаның 208-ші ракеткасы, италиялық Рауль Бранкаччионы 6:4, 6:4 есебімен ұтты.