Рыбакина АҚШ-тағы турнирдің 1/8 финалына өтті

Қазақстанның бірінші ракеткасы Елена Рыбакина Индиан-Уэллстегі WTA турнирінің үшінші айналымында жеңіске жетті, деп хабарлайды Vesti.kz.

Рыбакина белоруссиялық Виктория Азаренконы ұтты - 6:3, 6:4. Матч бір сағат 34 минут өтті. Екінші сетте Азаренкоға медициналық жәрдем қажет болды, дегенмен, ол матчті аяқтады.

Жарыстың 1/8 финалында Рыбакина швейцариялық Виктория Голубичпен кездеседі. Өз кезегінде ол екінші айналымда өзге қазақстандық - Юлия Путинцеваны ұтты.