Путинцева WTA рейтингінде бір саты жоғарылады

Әйелдер теннис қауымдастығы (WTA) рейтингін жаңартты. Жаңартылған тізімде Қазақстанның бірінші нөмірлі теннисшісі бір саты жоғарылады. 

Қазақстанның бірінші ракеткасы Юлия Путинцева 43-ші сатыға орналасты. Ярослава Шведова керісінше, бір саты төмендеп, 49-шы орынға жылжыды. Зарина Диас болса үш саты жоғарылап, 130-шы орында тұр.

Әйелдер арасында Германиялық Анжелика Кербер, Румыниялық Симона Халеп және Чехиялық Каролина Плишкова көш басында тұр.

Жұптық рейтингте Ярослава Шведова 14-ші орында қалды.