Надаль "Уимблдон" турнирінің финалына жақындады

Әлемнің экс бірінші ракеткасы, бүгінгі таңда төртінші орында тұрған Рафаэль Надаль "Уимблдон" турнирінің 1/8 финалында голландиялық Ботик ван де Зандсхулпты ұтты, деп хабарлайды Vesti.kz тілшісі.

2 сағат 22 минутқа созылған ойында испаниялық теннисші 6:4, 6:2, 7:6 есебімен жеңіске жетті. Ойын барысында Зандсхулп 11 эйс жасаса, Надаль 8 рет бір соққымен ұпай алды.

Жекелей жарыстарда 92 титулы бар құм төсенішінің королі енді 1/4 финалда америкалық Тейлор Фритцпен кортта кездеседі.

Рафаэль Надаль спорттық карьерасында "Үлкен дулыға" турнирін 22 рет жеңген. Оның ішінде Тұманды Альбиондағы дәстүрлі жарыста 2008, 2010 жылдары топ жарды.