Қазақстанның бірініш ракеткасы US Open финалына шықты

28 жастағы қазақстандық теннисші Анна Данилина US Open турнирінің аралас сынының жартылай финалында жеңіске жетті, деп хабарлайды Vesti.kz. Турнир АҚШ-тың Нью-Йорк қаласында өтіп жатыр. 

1/2 финалда ол финляндиялық Харри Хелиоваарамен бірге Ена Шибахара (Жапония)/Мате Павич (Хорватия) жұбын 7:6 (7:2), 6:4 есебімен ұтты. 

Финалда қазақстандық тенисші мен оның серіктесі америкалық Джессика Пегула және Остин Крайчекпен ойнайды. Бұл матч 9 қыркүйекте өтеді.  

Еске салайық, Данилина жұптық сында Қазақстанның бірінші ракеткасы есептеледі. Ал жұптық сындағы WTA  рейтингінде ол 29-орында тұр.