Қазақстандық жас теннисші Еуропада жыл үздігі атанды

14 жасар қазақстандық теннисші Аңсар Ниетқалиев Еуропалық теннис қауымдастығының "Жылдың үздік шетел ойыншысы" (ЕО елдерінен тыс) марапатына ие болды, деп хабарлайды msports.kz сайты.

2024 жылы Аңсар жоғары нәтижелер көрсетіп, маусымды TE рейтингісінде 41-орында аяқтады.

Осы маусымда ол жекелей сында үш рет жеңімпаздар тұғырынан көрінді.  Түркиядағы Soul Cup Istanbul (екінші санат), Ankara Cup Ankara (үшінші санат)және Ergan Cup Erzincan (үшінші санат) жарыстарында топ жарды.

Сонымен қатар жұптық сында да екі рет жеңімпаз болды, оның ішінде Soul Cup Istanbul турнирі де бар. Жекелей сында тағы екі турнирдің финалында бақ сынады.