Елена Рыбакина WTA 1000 турнирінің екінші айналымына шықты

Елена Рыбакина Гвадалахарадағы (Мексика) WTA 1000 турнирінің бірінші айналымында чехиялық Каролина Плишкованы ұтты, деп жазады Vesti.kz тілшісі.

Қазақстанның бірінші ракеткасы 30 жастағы қарсыласын 1 сағат 17 минут ішінде ұтты. Есеп 7:6 (7:5), 6:2.

Енді турнирдің екінші айналымында Рыбакина америкалық Джессика Пегуламен кездеседі. Қазіргі таңда Елена Рыбакина әлемдік рейтингте 24-орында тұрса, Пегула 5-орынға жайғасқан.