Елена Рыбакина әлемнің бесінші ракеткасын ұтты

Қазақстандық Елена Рыбакина Дубайда (БАӘ) өтіп жатқан World Tennis League командалық турнирінің топтық кезеңінде әлемнің 5-ракеткасы, Беларусь спортшысы Арина Соболенконы ұтты. Бұл туралы ҚТФ ресми сайты хабарлады. 

"Қаршығалар" тобында өнер көрсететін Елена "Сұңқарлар" сапында шыққан қарсыласын 0:6, 6:1, 10:6 есебімен тізе бүктірді.

Енді Рыбакина германиялық Александр Зверевпен бірге 22 желтоқсанда аралас сында канадалықтар Феликс Оже-Альяссим – Эжени Бушармен жұбымен кездеседі.