Александр Бублик Штутгарттағы турнирдің ширек финалына шықты

Қазақстанның бірінші, әлемнің 17-ракеткасы Александр Бублик Штутгарттағы (Германия) ATP 250 турнирінің екінші айналымында әлемдік рейтингіде 131-орында тұрған сербиялық Хамад Меджедовичті 6:1, 7:6(7:4) есебімен ұтты, - деп хабарлайды Massaget.kz тілшісі.

Матч 1 сағат 21 минутқа созылды. Бұл теннисшілердің алғашқы жеке кездесуі болды.

Бублик ширек финалда италиялық Лоренцо Музеттимен ойнайды. Ол германиялық Доминик Кепферді жеңді.