Рахым Әділханов: конфедерация кубогы спортшылар үшін өте маңызды турнир

Алматыдағы "Балуан Шолақ" атындағы спорт сарайында 2019 жылғы Конфедерация кубогінің иегерлері анықталды. Таеквондодан топ жарған Алматы командасының капитаны Рахым Әділханов сайыста жеңіске жетудің оңай болмағанын айтады, - деп хабарлайды Vesti.kz ҰОК баспасөз қызметіне сілтеме жасап. 

"Жарыс өте жоғары деңгейде өтті. Қарсыластардың барлығы да үлкен дайындықпен келген. Финалда өте тәжірибелі спортшылардан жасақталған Алматы облысы құрамасымен кездесіп, жеңіске жеттік. Біз соңғы үш жыл көлемінде Конфедерация кубогінде бірінші орын алып келеміз. Биыл да осы жоспардан айнымай, еліміздегі үздік команда екенімізді тағы дәлелдедік. Ал командаларға үлкен мүмкіндік берген Конфедерация кубогі біздің елімізге өте қажет турнир", - дейді Рахым. 

Конфедерация кубогының толық жеңімпаздарының тізімін мына сілтемеден көре аласыздар.