Конькимен жүгіруден Қазақстан құрамасы Әлем Кубогында жүлде алды

Конькимен жүгіруден Калгариде өтіп жатқан Әлем кубогы кезеңінде Қазақстан құрамасы қола жүлдеге қол жеткізді, - деп хабарлайды vesti.kz сайты. 

Қазақстандық спортшылар Кристина Силаева, Дарья Важенина және Надежда Морозова үштігі командалық спринтте сәтті өнер көрсетті. Жарыс қашықтығын 1:26.36 секундта еңсеріп, Қазақстан қоржынына қола медаль салды.

Жарыста Канада құрамасы жеңімпаз атанды. Күміс жүлдені Польшадан келген спортшылар иеленді.

? Алтын жүлде – Канада (1:24.90)
? Күміс жүлде – Польша (1:25.02)
? Қола жүлде – Қазақстан (1:26.36)