WSB жартылай финалындағы "Астана арландарының" қарсыластары белгілі болды

"Астана арландары" боксшыларымен бүкіләлемдік бокс сериясының (WSB) жартылай финалында жұдырықтасатын қарсыластары белгілі болды, - деп хабарлайды Vesti.kz тілшісі.

Жартылай финалда қазақстандық боксшылар "Бритиш Лайнхартс" (Ұлыбритания) командасының боксшыларымен кездесу өткізеді. Ұлыбританиялықтар ширек финалдың екі кездесуінде де Францияның "Франс Файтинг Рустерс" боксшыларынан басым түскен, жалпы есептері 6:5.

Жартылай финалдық кездесулер 2-3 және 9-10 маусымда өтеді.

Еске салайық, "Астана Арланс" ширек финалда ресейлік "Патриот Боксинг Тим" боксшыларынан басым түскен болатын. Алдымен қазақстандықтар Кемеровода өткен кездесуде 3:2 есебімен басым түсті. Одан кейін Қарағандыдағы кездесудің есебі 4:1 болып аяқталды.