Вилли Монро Головкин-Альварес жекпе-жегі немен аяқталарына болжам жасады
Пікірлер
blog.share
Америкалық кәсіпқой боксшы кіші Вилли Монро (21-2, 6 КО) бұрынғы қарсыласы қазақстандық Геннадий Головкин мен мексикалық Сауль "Канело" Альварес арасындағы жекпе-жекте кім жеңіске жететінін және бұл кездесу немен аяқталарына болжам жасады.
"Канело" жеңеді, Головкинмен жұдырықтасқаннан кейін де айтқаным осы. Рингтен шыға салысымен, 14 минут өте менен кім жеңеді деп сұрады, мен "Канело" деп жауап бердім. Иә, 15 минут бұрын ғана Головкинмен жұдырықтасып жаттым, әлі ес жимаған болармын. Бірақ білесіз бе? Мен үшінші-бесінші раундта инсайдта жақсы жұмыс жасап, Головкинннің орта қашықтықта мықты жұдырықтасатынын байқадым. Ал оған тақалып алса, епсіз болып қалады. Қашықтықта расымен өте қауіпті.
"Канелоны" жеңудің жалғыз жолы - аяқ. "Канело" корпусын жақсы қозғайды, қарымта шабуылдайды және инсайдта да жақсы жұмыс жасайды. Ал оны жеңу үшін аяқтың жылдамдығы керек. Басқаша оған қиындық тудыру мүмкін емес. "Канело" қарсыласының оған тіке жүргенін қалайды, қарсы шабуылдайды және ол Головкиннен жылдам. Меніңше "Канело" тоғызыншы, не оныншы раундта Головкинді тоқтатады", - дейді Монро BoxNation TV арнасына берген сұхбатында.
Еске салайық, Монро 2015 жылдың мамырында Головкинмен жұдырықтасқан. Жекпе-жек Калифорния штатындағы Инглвуд қаласында өтті. Монро үш рет нокдаунға түсіп, техникалық нокаутпен ұтылған болатын.
Альварес пен Головкин арасындағы жекпе-жек Лас-Вегастағы 20 мың адам сиятын T-Mobile аренасында өтеді, ал осы күні Лондонда Монро WBO чемпионы британиялық Билли Джо Сондерспен жұдырықтасады.
blog.share
Америкалық кәсіпқой боксшы кіші Вилли Монро (21-2, 6 КО) бұрынғы қарсыласы қазақстандық Геннадий Головкин мен мексикалық Сауль "Канело" Альварес арасындағы жекпе-жекте кім жеңіске жететінін және бұл кездесу немен аяқталарына болжам жасады.
/>
Жарнама