Танымал бокс порталы Головкиннің соңғы үш кездесуін бағалады

Бокс әлеміндегі танымал порталдардың бірі Worldboxingnews.net орта салмақтағы орта салмақтағы WBA(Super) IBО IBF WBC тұжырымдары бойынша әлем чемпионы Геннадий Головкиннің (37-0, 33 КО) мексикалық Сауль "Канело" Альвареске (49-1-1, 34 КО) қарсы өткізетін жекпе-жегінің алдында қазақстандық боксшының соңғы үш кездесуін еске түсіріп, отандасымызға баға берді. 

"2016 жылдың сәуірінде "Forum" спорт кешенінде Доминик Уэйдпен өткізген Головкиннің кездесуін болжау оңай еді. GGG кездесуде қарсыласын екі раундың ішінде ақ жеңіп тастады. Сондықтанда 10 балдық жүйемен 7 деген баға беруге болады. Ал Келл Брукқа қарсы кездесуде Головкиннің салмақ жағынан қарсыласынан үстем түсіп тұрды. Қарсыласының соққылары да ауыр емес еді. Бұл жекпе-жекке 8/10 деген балл қойдық. Дэниэль Джейкобс қазіргі уақытқа дейінгі Головкиннің ең мықты қарсыласы болды. Соған қарамастан ол Джейкобсты төртінші раундта бір рет нокдаунға жіберді. Жекпе-жекке 6/10 деген балл берілді", - деп жазады басылым. 

Еске салайық, Головкин мен "Канело" арасындағы кездесу 16 қыркүйек күні 20 мың жанкүйерге арналған Лас-Вегастағы T-Mobile Arena аренасында өтеді. Бұл спорт кешенінде мексикалық боксшы екі рет жекпе-жек өткізсе, қазақстандық боксшы бірінші рет жұдырықтасады.

Жекпе-жекте Головкинге тиесілі төрт чемпиондық белбеудің барлығы ортаға салынады. Ал "Канело" болса The Ring журналының арнайы белбеуін қояды. HBO телеарнасы кездесуді ақылы жүйе бойынша (PPV) тікелей эфирде көрсетеді.