Сондерсті бәрі біледі. Ол сайқымазақ - Головкин

Геннадий Головкин (37-0, 33 КО) Лондондағы Сауль "Канело" Альвареспен (49-1-1, 34 КО) біріккен баспасөз мәслихатында WBO чемпионы Билли Джо Сондерстің (24-0, 12 КО) аяқ асты пайда болуына қатысты пікірін білдірді.

Боксшылар қыркүйекке белгіленген жекпе-жегіне қатысты баспасөз турын бастап, алғашқы баспасөз мәслихатын өткізді. Шараға орта салмақтағы WBO белбеуінің иегері Билли Джо Сондерс келіп, Головкиннен сөз естіп қайтты.

"Қазір бар ойымды "Канеломен" жекпе-жекке бұрдым. Әрине, орта салмақтағы барлық белбеуді иемденгім келеді, бұл менің мақсатым. Ал Сондерс... оны бәрі біледі. Ол сайқымазақ", - дейді Головкин iFL TV арнасына берген сұхбатында.

Медиатур кезінде Головкин және "Канело" Нью-Йорк пен Лос-Анджелеске де барады.