Санчес Головкинді "қорқақ Боратқа" теңеген Сондерске жауап берді
©Twitter.com
Орта салмақтағы WBA (Super), IBO, WBC және IBF тұжырымдары бойынша әлем чемпионы Геннадий Головкиннің (37-0, 33 КО) жаттықтырушысы Абель Санчес қазақстандық боксшыны сынға алған осы салмақтағы WBO тұжырымының чемпионы британдық боксшы Билли Джо Сондерстің (24-0, 12 КО) сөздеріне жауап берді.
Сондерс Головкиннің жеке басына тиісіп, масқаралайтын жазу жазылған жейдені көрсетті. Британдық боксшы бұл жейдені кездейсоқ бір ер адамның бергенін айтады. Жейденің алдыңғы жағында былай деп жазылған - "GGG - қорқақ Борат. Сондерспен жекпе-жекке шық". Бұл Сондерстің Головкиннің шамына бірінші рет тиіп отырған кезі емес. Бұған дейін ол 2016 жылы Borerat ойынындағы сөз арқылы, отандасымызды мазақ еткен еді.
"Қазір ол Головкинмен жекпе-жек өткізуге дайын болып қалыпты. Ал бұған дейін ше? Головкин бұған дейін Сондреспен жекпе-жек өткізуге дайын болған кезде қайда болды? Ол кезде Сондерс дайын болған жоқ. Егер жекпе-жек өтпейтін болса, онда ол (Сондерс) өз мүмкіндігін жіберіп алды", - деп келтіреді Санчестің сөзін NYFights.com порталы.
Ал Badlefthook.com порталы мұндай мазақ ету әрекеттері Головкиннің келісімшартқа тезірек қол қойып жекпе-жекке шығуына ықпал ететінін және Сондерске бұл ауыр тиюі мүмкін екенін жазды.
Айта кетейік, бейресми ақпарат бойынша, БАҚ беттерінде Головкин - Сондерс жекпе-жегі Астанада 17 маусымда EXPO-2017 халықаралық көрмесі күндері өтетіні хабарланды.
Орта салмақтағы WBA (Super), IBO, WBC және IBF тұжырымдары бойынша әлем чемпионы Геннадий Головкиннің (37-0, 33 КО) жаттықтырушысы Абель Санчес қазақстандық боксшыны сынға алған осы салмақтағы WBO тұжырымының чемпионы британдық боксшы Билли Джо Сондерстің (24-0, 12 КО) сөздеріне жауап берді.
/>
Жарнама