Өзбекстан құрамасындағы қазақ боксшы қарсыласын нокаутқа түсірді

Өзбекстанның намысын қорғайтын қазақ боксшысы Елнұр Әбдірайымов кәсіпқой бокстағы кезекті жеңісіне қол жеткізді, деп жазады Vesti.kz тілшісі. 

Әдбірайымовтың кездесуі Индио (Калифорния штаты, АҚШ) қаласындағы Fantasy Springs Casino спорт кешенінде болды. Екінші жартылай жеңіл салмақта өнер көрсететін боксшы мексикалық Лионель Мореноға  (11-2-1, 9 КО) қарсы жұдырықтасты. 

Бұл кездесудің бірінші раундында Елнұр қарсыласын нокаутқа түсірді. Осылайша, ол Солтүстік Америка құрлығының IBF белбеуін жеңіп алды. 

? He makes it look easy...round 1 KO for Elnur Abduraimov!!#GonzalezAngulo

Watch here: https://t.co/eHxnFE0yoH
Or on the DAZN app pic.twitter.com/6iW6hwtGVU

— Golden Boy (@GoldenBoyBoxing) July 29, 2022

Айта кетейік, бұл бокс кешінің басты айқасында америкалық Джоуске Гонсалес (13-0-1, 12 КО) эквадорлық Хосе Ангулоны (14-3, 7 КО) нокаутпен жеңді.