Олимпиадада Қоңқабаевты жеңген боксшы кәсіпқойдағы қарсыласын нокаутқа түсірді

Аса ауыр салмақта өнер көрсететін америкалық боксшы Ричард Торрез (4-0, 4 КО) кәсіпқой бокстағы төртінші айқасында мысырлық Ахмед Хефниді (13-3, 5 КО) жеңді, деп жазады Vesti.kz тілшісі. 

Бұл кездесу Нью-Йорк (АҚШ) қаласындағы Madison Square Garden спорт кешенінде өтті. 

Жекпе-жек алдында-ақ Ричард Торрес анық фоварит еді. Оны америкалық шаршы алаңда дәлелдеді. Алдымен Торрес қарсыласы бірінші раундта, кейін екінші раундта нокдаунға түсірді. Ал үшінші раундта кезекті нокдаун тіркелген сәтте төреші жекпе-жекті тоқтатып, жеңісті Ричардқа берді. 

STEAMROLLED. @RichardTorrez21 continues his hot streak ? #LomaOrtiz pic.twitter.com/hmBL7EjgPL

— Top Rank Boxing (@trboxing) October 30, 2022

Айта кетейік, Торрес Олимпиаданың күміс жүлдегері. Ол Токиода жартылай финалда Қамшыбек Қоңқабаевтан айласын асырған болатын. Алайда финалда өзбекстандық Баходир Жололовтан жеңіліп қалды.