"Мен мексикалықпын, бірақ Головкинді қолдаймын! Ол сөзсіз жеңді!" Көрермендер не дейді?

Қазақстандық боксшы Геннадий Головкин (37-0-1, 33 КО) мен мексикалық Сауль "Канело" Альварес жекпе-жегінде төрешілердің кездесуіне тең баға беруіне байланысты Лас-Вегас тұрғындары мен жекпе-жекті көруге келген қала қонақтары өз наразылықтарын білдіріп жатыр. Жекпе-жектен соң өткен баспасөз конференциясында жиналған журналистер кездесу шын мәнінде тең өтті деп пікір білдірген мексикалық боксшының промоутері Оскар Де Ла Хойяның сөзін бөліп, өздерін ақымақ санамауға шақырды. Көбісі Головкиннің жеңгенін айтты.

 Vesti.kz тілшісі Лас-Вегас көшелеріне шығып қала тұрғындары мен қонақтардан осы жекпе-жек туралы пікірлерін білді. 

Дэн Эванс, қлыбританиялық: "Біз Лас-Вегасқа достарымызбен келдік. Бірінші Мейвезер - МакГрегор жекпе-жегін және сосын Головкин - "Канело" кездесуін көруге келдік. Кеше нағыз жекпе-жек болды, онда Головкинге әділетсіздік жасалды. Төрешілер бұл ісіне ұялуы керек. Реваншты күтеміз, Головкинді мексикалықты сұрақ туындамастай етіп жеңуі тиіс". 

Херардо Барроса, мексикалық: "Мен мексикалықпын және Головкинді қолдаймын! Ол сөзсіз жеңді!".

Розалия Рохас, мексикалық: "Біз осы кешке арнайы келдік, әділетсіздік істелгеніне шыдай алмай отырмы! "Канело" ең үздік, ол жеңді, ол өзінің жеңгеніне сенімді болды. 

Айзек Мартинес, америкалық: "Мен Калифорниядан бірнеше сағат бұрын келдім. Жекпе-жекті көрмедім, бірақ жаңалықтардан сюжеттерді байқадым. Головкинге әділетсіздік істелген сияқты? Тіпті жақсы болды". 

Феликс Закс, неміс: "Не үшін сонша дау шығарып жатқаны түсінбеймін, кейде "Канело" кейде Головкин мықты болды, достық жеңді, ешкім өкінбеуі керек". 

Мэтью Прайс, америкалық: "Лас-Вегаста осы жекпе-жекті көп күттік, өкінішке орай төрешілер тағы да әділетсіз шешім шығарды. GGG ең мықты! Бүкіл әлем оның мықтылғын көрді! Осыдан кейін оның жанкүйерлері көбейе түседі. 

Айта кетейік, Лас-Вегаста өткен жекпе-жек 12 раундтан тұрды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.

Сондай-ақ, кейінірек жекпе-жектің толық видеосы жарияланды. Сонымен қатар, Спорттық комиссия басшысы "Канелоның" пайдасына дауыс берген төрешіні шеттетті.