Мексика боксшының аңызы "Канело" мен Головкин арасындағы екінші кездесудің не үшін өтпей қалғанын түсіндірді
Пікірлер
blog.share
Мексика боксының аңызы Хуан Мануэль Маркес отандасы Сауль "Канело" Альварес (49-1-2, 34 КО) 5-мамырға жоспарланған қазақстандық Геннадий Головкинмен (37-0-1, 33 КО) кездесуден бас тартқанын түсіндіріп берді, деп хабарлайды vRINGe.com порталы.
"Қазіргі уақытта біз күтуіміз керек. Өйткені, ол екінші кездесуден бас тартты. Ал бұған дейін қосымша допинг сынақтарын тапсырып, таза екенін дәлелдеуге дайын екенін айтты. Ал қазір жекпе-жек өтпейтін болды. "Канелоның" ісінің тығдалымы (18-сәуір) мен жекпе-жек (5-мамыр) арасындағы кездесудің уақыты аз. Бірақ Альварес өзінің таза екенін дәлелдеу үшін тағы сынақ тапсыру керек еді.
Менің ойымша, мұның барлығын аяғына дейін жеткізу керек еді. Мен оның орнында болсам қосымша тесттердің барлығынан өтіп, жағдайдың анық-қанығын анықтайтын едім. Ол да осылай істеу керек еді. "Канело" дайындыққа толық көңіл аудара алмаған соң жекпе-жектен бас тартты. Мұны негізі түсінуге болады.
Бұл жағдай оның карьерасына кедергі келтіреді деп айта алмаймын. Енді оған тек өзін таза екенін дәлелдеп, жағдайдық анықтау керек. Оның қанынан кленбутеролдан басқа дәрумен табылса да таңғалмаймын. Жекпе-жекті уақыттың аздығына байланысты кейінге шегерді", - деді Маркес.
Айта кетейік, түнде Альварестің жекпе-жегін ұйымдастыратын Golden Boy промоутерлік компаниясы баспасөз жиынын ұйымдастырды. Онда "Канело" мен Головкин арасындағы екінші кездесу мексикалық боксшының өтініші бойынша өтпейтін болғаны хабарланды.
Содан соң Головкин де өз пікірін айтып, қандай жағдай болмасын 5-мамыр күні шаршы алаңға шығатынын айтты.
Қазіргі уақытта отандасымызбен кездесу өткізуге бірнеше боксшы дайын екенін айтты. Олардың қатарында америкалық боксшылар Джермалл Чарло, Деметриус Андраде, украиналық Сергей Деревянченко, ирландиялық Гэри О'Салливан, бразилиялық Ямагучи Фалькао, екінші орта салмақтағы WBO чемпионы Хильберто Рамирес және кіші Хулио Сезар Чавес бар.
Сондай-ақ "Канело" жекпе-жектен бас тартқаннан соң Сондрес те Головкинді жекпе-жекке шақырды. Ол қазақстандық боксшыны барлық белбеу үшін жекпе-жек өткізуді ұсынды.
Еске салайық, 17 және 20 ақпан күндері Альварестің Мексикада тапсырған допинг-сынамасынан кленбутерол дәрумені табылды. Мексикалық боксшының командасы бұл дәруменнің бұзылған ет арқылы түскенін айтып ақталуда.
Наурыз айында Альварес жаттығу лагерін Сан-Диегоға (АҚШ, Калифорния штаты) ауысытып, тағы үш допинг сынақ тапсырды. Олардың барлығы таза шықты. Бірақ Невада штатының Атлеттер комиссиясы (NSAC) уақытша оны жекпе-жектерден шеттетті. Альварестің ісіне байланысты тыңдалып енді 18-сәуір күні өтеді. Егер боксшының кінәсі анықталса, ол бір жылға дейін шеттетілуі мүмкін.
4-сәуір күні Golden Boy промоутерлік компаниясының президенті Эрик Гомес Альварес пен Головкин арасындағы екінші кездесу бәрібір де 2018 жылы өтетініне үмітті екенін айтты.
Головкин мен Альварес арасындағы бірінші кездесу 16-қыркүйек күні Лас-Вегастағы T-Mobile спорт кешенінде өтіп, тең аяқталған болатын. Бірақ бұл нәтижеге көптеген бокс жанкүйерлері мен мамандары қарсы болған еді.
blog.share
Мексика боксының аңызы Хуан Мануэль Маркес отандасы Сауль "Канело" Альварес (49-1-2, 34 КО) 5-мамырға жоспарланған қазақстандық Геннадий Головкинмен (37-0-1, 33 КО) кездесуден бас тартқанын түсіндіріп берді, деп хабарлайды vRINGe.com порталы.
/>
Жарнама