Майк Тайсон сексуалдық сипаттағы зорлық-зомбылық құрбаны болды

Майк Тайсон бала кезінде сексуалдық сипаттағы зорлық-зомбылық құрбаны болды. Бұл туралы ауыр салмақта бокстан әлемнің абсолют чемпионы ESPN телеарнасына берген сұхбатында жариялады.

"Мен мұны ешкімге айтқан емеспін. Менің басымнан өткен бұл оқиға, мені нағыз ер болуыма кеір әсерін берген жоқ. Өткен іс менің өміріме қатты әсерін бермеді", - деді Тайсон.

Боксшы қылмыскердің күштеп бір ғимаратқа кіргізіп алып, тиіскенін айтқан. Оның айтуынша, осы жағдай оның бокспен айналысуына түрткі болған.

Тайсон кәсіпқой бокста 1985-2005 жылдары аралығында өнер көрсетті. Ол 58 кездесу өткізіп, 50-інде жеңіске жетті (44 - мерзімінен бұрын), алты рет жеңіліс тапты және екі жекпе-жегі іске аспай қалған кездесулер ретінде жазылды.