МакГрегордың орнына Мейвезермен тіпті Роналду да жұдырықтасуы мүмкін еді - Хабиб Нурмагомедов
Пікірлер
blog.share
Ережесіз жекпе-жектен Ресейдің намысын қорғайтын Хабиб Нурмагомедов тамыз айында бокс ережесі бойынша өтетін Конор МакГрегор мен кіші Флойд Мейвезер арасындағы жекпе-жек туралы пікірімен бөлісті.
"Бұл тек жарнама. Ол айдан анық. Шынымды айтсам, маған бұл кездесудің қалай аяқталатыны қызық емес. Өйткені, мен алдағы кездесуіме дайындығым, мақсатым және жекпе-жегім бар. Әрине, мен бұл кездесуді тамашалаймын. Тіпті жекпе-жекті сараптап та көремін. Конордың қимылдарын қараймын. Жалпы бұл қыруар үшін ұйымдастырылып жатқан үлкен шоу.
Айтпақшы, Флойдқа қарсы тіпті Криштиану Роналду да шығуы мүмкін еді. Не үшін Роналду емес, Конор кездесуі керек? Кәсіпқой боксшының кәсіпқой футболшыны сабап жатқанын тамашалау да жанкүйерлер үшін жақсы қойылым емес пе?!
Бұрнағы күні UFC маған қазан айында жекпе-жек өткіз деп жатыр. Бірақ мен асыққым келіп тұрған жоқ. Қараша айында кездесу өткізуге дайын боламын. Менің бұл жауабымнан кейін қазір не болып жатқанын білесіз бе? Дэйна Уайт егер мен қазан айында дайын болмасам, Тони Гейджимен кездесуі мүмкін дейді. Осылайша олар мені қазан айында Фергюсонмен кездесу өткізуге мәжбүрлеп отыр. Мұның бәрі UFC-дің қулығы", - деп келтіреді Нурмагомедовтің сөзін Lastround порталы.
Айта кетейік, негізі Нурмагомедов пен Фергюсон арасындағы кездесу 3 наурыз күні өтуі керек еді. Бірақ ресейлік спортшы 2 наурыз күні салмақ қуы кезінде емханаға түсіп қалды. Сөйтіп америкалық спортшыға қарсы жекпе-жегі өтпей қалды. Қазіргі уақытта ол ем-дом қабылдап жатыр.
Ал Мейвезер-МакГрегор арасындағы кездесу 26 тамыз күні Лас-Вегасқа орта салмақта бокс ережесі бойынша өтеді.Бұл кездесудің ең арзан деген билеттері 2 200 доллар, ең қымбат билеттері - 70 879 доллар тұрады.
blog.share
Ережесіз жекпе-жектен Ресейдің намысын қорғайтын Хабиб Нурмагомедов тамыз айында бокс ережесі бойынша өтетін Конор МакГрегор мен кіші Флойд Мейвезер арасындағы жекпе-жек туралы пікірімен бөлісті.
/>
Жарнама