"Канело" титықтап қалады, бірақ бұл тамаша жекпе-жек болады - Абель Санчес
Пікірлер
blog.share
Геннадий Головкиннің бапкері Абель Санчес алдағы Сауль "Канело" Альвареспен болатын жекпе-жекте қазақстандық боксшы қай жағынан басым болатынын айты.
"Мен Головкин жеңеді деп болжап отырмын. Егер ол жекпе-жекті кездесудің екінші жартысында ұта алса, жеңісті кешеуілдеткені дұрыс. Головкин ауыр соққы жасайтын панчер, физикалық тұрғыдан да мықтырақ. "Канело" титықтап қалады, бірақ, бұл тамаша жекпе-жек болады", - деп келтіреді Санчестің сөзін boxingscene.com.
Головкин-Альварес жекпе-жегі 16 қыркүйекке белгіленген. Бұл жекпе-жекке қазақстандық боксшының барлық чемпиондық белбеуі, ал "Канелоның" The Ring журналының белбеуі тігіледі. Енді бұл бокс кешін өткізетін орынды таңдау ғана қалды.
АҚШ-та Головкин-Альварес жекпе-жегі HBO арнасындағы ақылы трансляция жүйесі (PPV) арқылы көрсетіледі. "Канелоның" промоутері Оскар Де Ла Хойя үш миллион PPV сатылымы болады деп болжап отыр, алайда, Boxing247.com басылымы бұл көрсеткіш бір немесе екі миллионнан ғана асады деп жазған. Ал Forbes басылымы Головкин-Альварес жекпе-жегі 2015 жылы өткен Флойд Мейвезер мен Мэнни Пакьяо кездесуінен кейінгі ең көп қаржы жинаған бокс кеші болуы мүмкін екенін жоққа шығармайды.
blog.share
Геннадий Головкиннің бапкері Абель Санчес алдағы Сауль "Канело" Альвареспен болатын жекпе-жекте қазақстандық боксшы қай жағынан басым болатынын айты.
/>
Жарнама