Қанат Ислам IBO рейтингінде бір саты жоғары көтерілді

Қазақстандық кәсіпқой боксшылар Халықаралық бокс ұйымының (IBO) қараша айындағы рейтингісінде жоғарылады.

Жаңартылған рейтингте бірінші ауыр салмақта өнер көрсетіп жүрген отандасымыз Иса Ақбербаев (19-0-0,12 КО) 3 сатыға төмендеп, 33-орыннан көрінсе, жартылай ауыр салмақта Әли Ахметов (9-0, 7 КО) 58-орынды сақтап қалды. Ал бірінші орта салмақтағы Қанат Ислам (25-0, 20КО) ТОП-100 боксшінің ішінде бір саты жоғарылап - 7 орынға, жартылай орта салмақтағы Жанқош Тұраров (22-0-0, 15 КО) 4 сатыға көтеріліп, 62-орынға жайғасты.

Сонымен қатар, Бірінші жартылай орта салмақтағы жерлесіміз Батыржан Жүкембаев (10-0, 9КО) 66-орыннан (+14 саты), жеңіл салмақта Бекман Сойлыбаев (12-0, 4КО) 46-орыннан (+33 саты), аса жеңіл салмақта Жанат Жақиянов (27-2, 18КО) 19-орыннан көрінді.