Жәнібек Әлімханұлы The Ring рейтингінде екі саты жоғарылады

Орта салмақта өнер көрсететін қазақстандық боксшы Жәнібек Әлімханұлы (10-0, 6 КО) The Ring сайтының жаңартылған рейтингінде екі саты жоғарылады, деп жазады Vesti.kz порталы.

Қазақ боксшысы кейінгі жекпе-жегінде әлемнің бұрынғы чемпионы америкалық Роб Брантты (26-3, 18 КО) жеңді. Осының арқасында ол WBO рейтингінде екінші, ал WBC тізімінде үшінші орынға көтерілген болатын. 

Енді жаңартылған The Ring сайтында Әлімханұлы 9-орыннан 7-орынға көтерілді. Орта салмақта бұл рейтингтің басында IBF және IBO чемпионы Геннадий Головкин (41-1-1, 36 КО) тұр. 

Рейтингтің толық нұсқасы мынадай: 

1. Геннадий Головкин (Қазақстан)
2. Джермалл Чарло (АҚШ)
3. Деметриус Андраде (АҚШ)
4. Сергей Деревянченко (Украина)
5. Риота Мурата (Жапония)
6. Хайме Мунгия (Мексика)
7. Жанібек Әлімханұлы (Қазақстан)
8. Крис Юбэнк-кіші (Ұлыбритания)
9. Лиам Уильямс (Ұлыбритания)
10. Феликс Кэш (Ұлыбритания).