Жәнібек Әлімханұлы IBF рейтингінен шығып қалды. Екі қазақстандық үздік 15 боксшының қатарына қосылды

Жартылай орта салмақта өнер көрсететін қазақстандық кәсіпқой боксшы Али Ахмедов Халықаралық бокс федерациясының (IBF) рейтингінде үздік бес боксшының қатарына қосылды, деп жазады Vesti.kz тілшісі. 

26 жастағы Ахмедов ақырғы жекпе-жегін желтоқсан айында АҚШ жерінде өткізіп, жеңіске жетті. Осы кездесуден кейін рейтингте бесінші орынға көтерілді. Ал осы салмақтағы екінші отандасымыз Айдос Ербосынұлы (16-0, 11 КО) төртінші сатыда. 

Халықаралық бокс федерациясының жаңартылған рейтингінен Жәнібек Әлімханұлы (11-0, 7 КО) шығып қалды. Есесіне орта салмақта жұдырықтасатын Мейірім Нұрсұлтанов (16-0, 9 КО) 13-орынға көтерілді. 

Екінші жартылай жеңіл салмақтағы Сұлтан Зәуырбек болса (12-0, 8 КО) 11-орынға шықты.