Ислам - Кук андеркартында жұдырықтасатын Мейірім Нұрсұлтанов қарсыласы анықталды
Пікірлер
blog.share
Орта салмақта өнер көрсететін қазақстандық боксшы Мейірім Нұрсұлтановтың Астанада өтетін бокс кешіндегі қарсыласы белгілі болды.
Кәсіпқой бокста әлі жеңілістің дәмін татпаған отандасымыз 9 қыркүйек күні Астанада Исмаэль Буэномен кездеседі. Бразилиялық боксшы 21 кездесу өткізіп, 15-інде жеңіске жетсе, 6 кездесуде жеңіліс тапқан.
Бір айта кетерлігі Нұрсұлтановтың қарсыласы өте тәжірибелі. 39 жастағы боксшы кәсіпқой бокстағы ең алғашқы қадамын 2006 жылы жасап, отандасы Хосе Тоедородадан айласын асырған. Ал соңғы кездесуін 2016 жылдың 15 мамырында тағы бір отандасы Жоель Перейра да Силвадан үстем түсті.
Ал Мейірім Нұрсұлтанов болса кәсіпқой бокс шаршы алаңында 3 кездесу өткізіп, үшеуінде де қарсыластарын нокаутпен жеңді. Сонымен қатар ол елордалық «Астана арландары» клубы сапында өнер көрсетіп, 2014/15 маусымда WSB жобасының чемпионы атанды.
Айта кетейік, жекпе-жек 6 раундқа жоспарланып отыр.
blog.share
Орта салмақта өнер көрсететін қазақстандық боксшы Мейірім Нұрсұлтановтың Астанада өтетін бокс кешіндегі қарсыласы белгілі болды.
/>
Жарнама