Головкиннің міндетті қарсыласы отызыншы жеңісіне қол жеткізді

Орта салмақта әлем чемпионы қазақстандық Геннадий Головкинді (42-1-1, 37 КО) жекпе-жекке шақырған бразилиялық боксшы Эскива Фалькао (30-0, 20 КО) аргентиналық Кристиан Фабиан Риосты (23-15-3, 7 КО) жеңді, деп жазады Vesti.kz тілшісі. 

Бұл айқас Сан-Паулу (Бразилия) қаласындағы Arena de Lutas  спорт кешенінде өткен кештің басты жекпе-жегі болды. Кездесу басынан аяғына дейін өтті. Оның қорытындысы бойынша төрешілер Эскиваға жеңісті берді. Осылайша, бразилиялық боксшы каьерасында 30-жеңісіне қол жеткізді. 

Esquiva Falcao (30-0, 20 KO's) with the wide UD-10 victory over Cristian Fabian Rios (23-15-3) in their super middleweight main event from Sao Paulo, Brazil pic.twitter.com/TCHrtWeba0

— Tim Boxeo (@TimBoxeo) May 30, 2022

Айта кетейік, Фалько Риота Муратамен (16-3, 13 КО) кездесуден кейін Головкинді бірнеше рет жекпе-жекке шақырды. Бірақ отандасымыз ақырында Сауль "Канело" Альвареспен (57-2-2, 39 КО) үшінші кездесу өткізетін болды. Аталған жекпе-жек қыркүйек айында болады. 

Сондай-ақ Фалькао Головкиннің IBF чемпиондық белбеуіне міндетті қарсылас.