Головкиннің Альвареспен өтетін жекпе-жек алдында жаттығуының видеосы жарияланды

Желіде орта салмақта WBC, WBA (Super) және IBO тұжырымдары бойынша әлем чемпионы Геннадий Головкин (38-0-1, 34 КО) мен мексикалық боксшы Сауль "Канело" Альварес (49-1-2, 34 КО) арасында өтетін екінші кездесудің алдында қазақстандық боксшының жаттығу кезінде түсірілген видеосы пайда болды, - деп хабарлайды   Vesti.kz.

Youtube желісіндегі Behind The Gloves каналында жарияланған видеода Головкиннің Калифорниядағы Big Bear лагерінде жаттығып жатқаны түсірілген. 

Қазақстандық пен мексикалық боксшы арасындағы екінші кездесуі 15 қыркүйекте АҚШ-тың Невада штатындағы Лас-Вегас қаласындағы T-Mobile аренасында өтеді. Бір жыл бұрын дәл осы жерде қос боксшы кіл мықтыны анықтай алмаған еді.