Головкинге Альваресті жеңу үшін қандай жоспар ұстану керектігі айтылды

Журналист Рич Чейни Boxing News Results cайтында жариялаған мақаласында қазақстандық Геннадий Головкинге мексикалық қарсыласы Сауль "Канело" Альваресті жеңу үшін қандай стратегия ұстану керектігін жазған, - деп хабарлайды Vesti.kz.

Мақала авторының жазуы бойынша, орта салмақта "Канелоның" Головкинді нокаутқа түсіретіндей күші жеткілікті емес. Головкинмен бір рингке шығу "Канело" үшін қайғымен аяқталады, өйткені 16 қыркүйекте ол дүлей соққылар астында қалады. "Канело" соққылардан қанша сытылуға тырысқанымен, Головкин оны джеп және денеге бағытталған соққыларын тигізері сөзсіз", - деп жазыпты Чейни.

Чейнидің пікірі бойынша, Головкин "Канелоны" жеңу үшін мына жоспарды ұстану керек:

- үздіксіз қыспақтау;
- үнемі джеб ұру;
- денеден соққы жасау;
- "Канелоға" арқанға асылып тұрып демалуға мұрша бермеу;
- "Канелоның" сол жақ хугынан сақтану.

Мұның алдында белгілі промоутер Эдди Хирн де Альварестің қазақстандық боксшыдан мықты екеніне күмән келтіріп, Головкинді орта салмақта жеңе алатын адам кемде-кем екенін айтқан.