Головкин – Шеремета жекпе-жегі қайда өтетіні белгілі болды

Қазақстандық боксшы Геннадий Головкиннің (40-1-1, 35 КО) титулдық жекпе-жегі қайда өтетіні анықталды. Бұл туралы Ringpolska.pl басылымы хабарлады.

Геннадий Головкин мен польшалық Камил Шеремета арасындағы жекпе-жек АҚШ-тың Техас штатында өтуі мүмкін. Әлемдегі пандемияға қарамастан кеште жанкүйерлердің келуіне рұқсат етіледі деп күтілуде.

Бұған дейін SportBible басылымы желтоқсан айында өтетін жекпе-жектердің тізімін жариялады. Арасында Геннадий Головкиннің де жекпе-жегі көрсетілген. Басылымның мәліметінше, қос боксшы арасындағы айқас желтоқсан айының 18-не жоспарланған.

Айта кетейік, Головкин – Шеремета жекпе-жегінде орта салмақтағы IBF чемпиондық белбеуі бәске тігіледі.