Головкин мен "Канело" арасында өтетін боксшы кешінде жұдырықтасатын тағы бір боксшының есімі белгілі болды
Пікірлер
blog.share
Жеңілмеген америкалық боксшы Райан Мартин (19-0, 11 КО) қазақстандық Геннадий Головкин мен мексикалық Сауль "Канело" Альварес арасындағы бокс кешінде шаршы алаңға шығады.
Бұл туралы RingTV порталына 24 жастағы боксшының менеджері Тим Ван Ньюхаус айтып берді. Бірақ қазіргі уақытта Мартинның қарсыласы анықталған жоқ.
"Том Леффлер және мен де Райанның үздік ондықтың қатарындағы боксшылармен жұдырықтасқанын қалаймыз. Бұл біздің боксшымыз үшін үлкен мүмкіндік. Егер алдағы кездесуде жеңіске жететін болса, чемпиондық белбеуге бір табан жақындайды", – дейді Ньюхаус.
Айта кетейік, Мартин Головкиннің қатысуымен өтетін бокс кешінде бұған дейін жұдырықтасқан. Тарқатып айтсақ, биылғы жылдың мамыр айында өткен Головкин және Джейкобс арасындағы бокс кешінде шаршы алаңға шығып, Брайант Крустан айласын асырған.
Еске салайық, Головкин - Альварес андеркартында бірінші орта салмақта Антонио Ороско (26-0, 17 КО) мен Роберто Ортис (35-1-2, 26 КО), ал екінші аса жеңіл салмақта - Диего Де Ла Хойя (19-0, 9 КО) мен америкалық Рэнди Кабальеро (24-0, 14 КО) жұдырықтасады. Сонымен қатар, америкалық Марлен Эспарзы шығуы мүмкін, қазіргі уақытта оған қарсылас іздестіріліп жатыр екен. Сонымен қатар бұл бокс кешінде жеңіл салмақта өнер көрсететін мексикалық боксшы Джозеф Агирре (17-0, 9 КО) да өнер көрсетеді. Бірақ оның да қарсыласы анықталмады.
Айта кетейік, Головкин - "Канело" жекпе-жегі 16 қыркүйек күні Лас-Вегастағы (АҚШ, Невада) T-Mobile Arena аренасында өтеді.
Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық "The Ring" журналының белбеуін бәске тігеді.
blog.share
Жеңілмеген америкалық боксшы Райан Мартин (19-0, 11 КО) қазақстандық Геннадий Головкин мен мексикалық Сауль "Канело" Альварес арасындағы бокс кешінде шаршы алаңға шығады.
/>
Жарнама