Головкин Мартиросянмен жекпе-жек өткізсе, IBF отандасымыздан өзінің чемпиондық белбеуін тартып алады
Пікірлер
blog.share
Халықаралық бокс федерациясы (IBF) орта салмақтағы WBA (Super), IBO, WBC және IBF тұжырымдары бойынша әлем чемпионы Геннадий Головкиннен өз чемпиондық белбеуін тартып алуы мүмкін.
ESPN басылымының хабарлауынша, ұйым егер Головкин 5 мамыр күні америкалық Ванес Мартиросянмен кездесетін болса, отандасымыздан өзінің чемпиондық белбеуін тартып алады.
Еске салайық, мексикалық Сауль "Канело" Альварес Головкинмен кездесуден бас тартқан соң, отандасымыз 5 мамыр күні кездесу өткізуге бел буған болатын. Бірақ оның қарсыласы әлі анықталмады. Өткен аптада тіпті жекпе-жек өтпей қалуы мүмкін деген ақпарат да шыққан еді. Өйткені, жекпе-жектің өтуіне уақыт аз қалды. Головкиннің қарсыласы болуы мүмкін деген боксшылардың қатарында ирландиялық Гэри О’Салливан болды. Дегенмен де кейін ол кездесуден бас тартты.
Содан соң отандасымыздың қарсыласы Ванес Мартиросян (36-3-1, 21 КО) болады делінген. Тіпті америкалық боксшы WBC және WBA ұйымдарынан рұқсат та алған. Бірақ IBF түбі армениялық боксшы кездесуге қатысуға рұқсат бермеді. Өйткені, Головкиннің IBF белбеуінің негізгі қарсыласы украиналық Сергей Деревяченко. Бұл мәселенің барлығы алдағы бір тәулікте Альварестің ісі қаралғаннан кейін шешілуі керек.
blog.share
Халықаралық бокс федерациясы (IBF) орта салмақтағы WBA (Super), IBO, WBC және IBF тұжырымдары бойынша әлем чемпионы Геннадий Головкиннен өз чемпиондық белбеуін тартып алуы мүмкін.
/>
Жарнама