Forbes Головкин кездесуі мүмкін деген бес боксшының есімін жариялады
Пікірлер
blog.share
Әлемдегі экономика саласындағы ең абыройлы Forbes журналы мексикалық боксшы Сауль "Канело" Альвареспен жоспарланған кездесуі өтпей қалған соң орта салмақтағы WBA Super, WBC, IBF және IBO тұжырымдары бойынша әлем чемпионы Геннадий Головкин жұдырықтасуы мүмкін деген боксшылардың есімін жариялады.
Тізімге 30 жастағы америкалық боксшы Деметриус Андраде (25 жекпе-жек, 25 жеңіс, 16 нокаут), орта салмақтағы WBO белбеуінің иегері 28 жастағы британдық боксшы Билли Джо Сондерс (26 кездесу, 26-0, 12 КО), 32 жастағы украиналық Сергей Деревянченко (12 боев, 12-0, 10 КО), екінші орта салмақтағы WBO белбеуінің иегері 26 жастағы мексикалық Хильберто Рамирес (37 жекпе-жек, 37-0, 25 КО) және 29 жастағы ирландиялық Гэри О'Салливан (29 жекпе-жек, 27-2, 19-1 КО) секілді боксшылар кірген.
Еске салайық, 3-сәуірден 4-сәуірге ауысқан түні мексикалық боксшы Сауль "Канело" Альварестің (49-1-2, 34 КО) жекпе-жектерін ұйымдастыратын Golden Boy Promotions компаниясы арнайы баспасөз жиынын ұйымдастырды. Онда "Канелоның" орта салмақтағы WBA Super, WBC, IBF және IBO тұжырымдары бойынша әлем чемпионы Геннадий Головкинмен (37-0-1, 33 КО) 5-мамыр күніне Лас-Вегаста жоспарланған екінші кездесудің өтпейтіні белгілі болды.
Бұл баспасөз жиынын соң Головкин де өз пікірін айтып, қандай жағдай болмасын 5-мамыр күні шаршы алаңға шығатынын айтты.
Қазіргі уақытта отандасымызбен кездесу өткізуге бірнеше боксшы дайын екенін айтты. Олардың қатарында америкалық боксшылар Джермалл Чарло, Деметриус Андраде, украиналық Сергей Деревянченко, ирландиялық Гэри О'Салливан, бразилиялық Ямагучи Фалькао, екінші орта салмақтағы WBO чемпионы Хильберто Рамирес және кіші Хулио Сезар Чавес бар.
Сондай-ақ "Канело" жекпе-жектен бас тартқаннан соң Сондерс те Головкинді жекпе-жекке шақырды. Ол қазақстандық боксшыны барлық белбеу үшін жекпе-жек өткізуді ұсынды.
17 және 20 ақпан күндері Альварестің Мексикада тапсырған допинг-сынамасынан кленбутерол дәрумені табылды. Мексикалық боксшының командасы бұл дәруменнің бұзылған ет арқылы түскенін айтып ақталуда.
Наурыз айында Альварес жаттығу лагерін Сан-Диегоға (АҚШ, Калифорния штаты) ауысытып, тағы үш допинг сынақ тапсырды. Олардың барлығы таза шықты. Бірақ Невада штатының Атлеттер комиссиясы (NSAC) уақытша оны жекпе-жектерден шеттетті. Альварестің ісіне байланысты тыңдалып енді 18-сәуір күні өтеді. Егер боксшының кінәсі анықталса, ол бір жылға дейін шеттетілуі мүмкін.
4-сәуір күні Golden Boy промоутерлік компаниясының президенті Эрик Гомес Альварес пен Головкин арасындағы екінші кездесу бәрібір де 2018 жылы өтетініне үмітті екенін айтты.
TMZ Sports порталының мәліметі бойынша, Головкин "Канеломен" кездесуді кейін өткізуге дайын екен. Екі команданың боксшылары енді жекпе-жек туралы мәселені 2018 жылдың күзінде ақылдасады.
Головкин мен Альварес арасындағы бірінші кездесу 16-қыркүйек күні Лас-Вегастағы T-Mobile спорт кешенінде өтіп, тең аяқталған болатын. Бірақ бұл нәтижеге көптеген бокс жанкүйерлері мен мамандары қарсы болған еді.
blog.share
Әлемдегі экономика саласындағы ең абыройлы Forbes журналы мексикалық боксшы Сауль "Канело" Альвареспен жоспарланған кездесуі өтпей қалған соң орта салмақтағы WBA Super, WBC, IBF және IBO тұжырымдары бойынша әлем чемпионы Геннадий Головкин жұдырықтасуы мүмкін деген боксшылардың есімін жариялады.
/>
Жарнама