Фируза Шарипова мен Юлия Куценко жекпе-жегінің видеосы жарияланды

Қазақстандық кәсіпқой боксшы қыз Фируза Шарипова мен ресейлік Юлия Куценко жекпе-жегінің видеосы пайда болды, - деп хабарлайды Tengrinews.kz тілшісі Vesti.kz порталына сілтеме жасап.

Айта кетейік, Шарипова жеңіл салмақта IBA чемпиондық атағын қорғап қалған болатын. Отандасымыз Санкт-Петербургте өткен бокс кешінде ресейлік боксшы қыз Юлия Куценконы жеңді.

Фируза Шарипова мен Юлия Куценко Club A2 аренасында өткен бокс кешінің басты жекпе-жегінде жұдырықтасты. 10 раундқа жоспарланған кездесу соңына дейін жалғасып, жеңімпаз төрешілер шешімі бойынша анықталды. Шаршы алаңдағы шайқаста басымдығын байқатқан Фируза жеңіске жетті.