Допингпен ұсталған америкалық боксшы бір айда екінші кездесуінде жеңіске жетті

Аса ауыр салмақта өнер көрсететін америкалық боксшы Джаррелл Миллер (25-0-1, 21 KO) бір айдың ішінде екінші кездесуінде жеңіске жетті. 

Мерфрисборо (Тенниси штаты, АҚШ) қаласында өткен бокс кешінде Миллер отандасы Дерек Карденастан (8-10, 7 КО) айласын асырды. Алдымен Джаррелл қарсыласын үшінші раундта нокдаунға түсірді. Кейін төртінші раунда нокаутпен жеңді. 

Jarrell "Big Baby" Miller (25-0-1, 21 KO's) scores a knockdown in the 3rd & another in the 4th and then finishes off Tijuana's very tough Derek "El Vikingo" Cardenas (8-10) with this knockdown earning a TKO-4 victory in their heavyweight bout in Murfreesboro, Tennessee. Time 1:43 pic.twitter.com/qZhh8XxLMT

— Tim Boxeo (@TimBoxeo) July 24, 2022

Осылайша, допингпен ұсталып, төрт жылға спорттан шеттетілген Миллер бір айдың ішінде екінші жеңісіне қол жеткізді. Бір ай бұрын, 23 маусым күні ол Аргентинада жеңіс тойын тойлаған болатын.