Давид Лемье Головкин мен "Канело" арасында өтетін бокс кешінде өнер көрсетуі мүмкін
Пікірлер
blog.share
Орта салмақтағы әлемнің бұрынғы чемпионы Давид Лемьенің (38-4, 33 КО) иығынан алған жарақаты ауыр емес және ол 5-наурыз күні Лас-Вегаста өтетін орта салмақтағы WBC, WBA (Super), IBF және IBO тұжырымдары бойынша әлем чемпионы қазақстандық Геннадий Головкин (37-0-1, 33 КО) мен Сауль "Канело" Альварес (49-1-2, 34 КО) арасында өтетін бокс кешінде өнер көрсетуі мүмкін. Бұл туралы The Canadian Press басылымына берген сұқбатында боксшының менеджері Камиль Эстефан айтып берді.
Лемье иығын желтоқсан айында орта салмақтағы WBO белбеуінің иегері британдық Билли Джо Сондреспен (26-0, 12 КО) өткен кездесуде жарақаттап алған еді. Бұл кездесуде ол төрешілердің шешімі бойынша жеңіліп қалды. Енді ол операцияның орнына сауықтыру курсынан өтеді.
"Алдын-ала тексерістің қорытындысы жақсы. Егер оның иығы кедергі келтірмей жаттығу жасай беретін болса, онда ол 5-мамыр күні шаршы алаңға шығады. Лемьенің жарақаты ауыр сияқты көрінген. Тіпті операция жасаймыз деген ой болды. Бірақ оның жарақаты біз ойлағандай ауыр болмай шықты. Қазір оның келесі қарсыласы туралы ештеме айта алмаймын. Дегенмен де бұл кездесуде ол чемпиондық белбеуге таласады",- деп келтіреді Эстефанның сөзін oxingScene.com порталы.
Лемьенің қарсыласы ирландиялық Гэри О'Салливан (27-2, 19 КО) болуы ықтимал.
Бұған дейін Лемьенің Головкин - Альварес бокс кешінде өнер көрсетуі туралы Golden Boy Promotions промоутерлік компаниясының негізін қалаушы Оскар Де Ла Хойя да айтқан болатын.
Сонымен қатар 5-наурызда өтетін бокс кешінде төрт салмақ бойынша әлемнің бұрынғы чемпионы никарагуалық Роман Гонсалес шығуы мүмкін екені айтылды.
blog.share
Орта салмақтағы әлемнің бұрынғы чемпионы Давид Лемьенің (38-4, 33 КО) иығынан алған жарақаты ауыр емес және ол 5-наурыз күні Лас-Вегаста өтетін орта салмақтағы WBC, WBA (Super), IBF және IBO тұжырымдары бойынша әлем чемпионы қазақстандық Геннадий Головкин (37-0-1, 33 КО) мен Сауль "Канело" Альварес (49-1-2, 34 КО) арасында өтетін бокс кешінде өнер көрсетуі мүмкін. Бұл туралы The Canadian Press басылымына берген сұқбатында боксшының менеджері Камиль Эстефан айтып берді.
/>
Жарнама