Бобыржан Момыновтың Аргентинадағы екінші жекпе-жегі өтпейтін болды

Қазақстандық кәсіпқой боксшы Бобыржан Момыновтың (4-0, 4КО) Аргентина жеріндегі өткізуі тиіс болған екінші кездесуі болмайтын болды. Бұл туралы ВКонтакте желісіндегі "Профи Бокс Казахстана" парақшасы хабарлайды. 

Момынов кездесуін 20 қазан күні Аргентинаның астанасы Буэнос-Айрес қаласында өткізуі керек еді. Бірақ жекпе-жекке бір күн қалғанда оның уругвайлық қарсыласы Карлос Андрес Чапарро (7-15-1, 3КО) жекпе-жекке шығудан бас тартыпты. 

Еске салайық, Момынов 6 қазан күні Буэнос-Айресте жергіліктің боксшы Леонардо Фабио Амитраноға (9-1, 5КО) қарсы жекпе-жек өткізіп, техникалық нокаутпен жеңіске жеткен болатын. 

Бұл қазақстандық боксшы үшін кәсіпқой бокстағы төртінші жеңісі еді. Алғашқы үш кездесуін отандасымыз АҚШ жерінде өткізген болатын.