Андре Уорд Альварес-Головкин жекпе-жегіне қатысты ең өзекті сауалды қойды

Жартылай ауыр салмақта WBA (Super), WBO және IBF тұжырымы бойынша әлем чемпионы Анде Уорд 16 қыркүйекке белгіленген қазақстандық Геннадий Головкин мен месикалық Сауль "Канело" Альварес жекпе-жегіне қатысты өз ойын айтты.

"Бұл керемет жекпе-жек. Оскар Де Ла Хойя және "Канело" өте дұрыс істеді. Оған жақсы уақыт таңдады және жекпе-жек жоспарын құрып алды. Олар БАҚ-тың қысымына қарамастан өздері қалған уақытты таңдады. "Канело" салмақ қосып, оған үйреніп алғанша күтті, сонымен қатар, ақша да тауып үлгерді. Енді бұл жекпе-жек туралы көпшілік айтып жатыр, бұл атаулы оқиға болады.

Ал басты сұрақ қарсыластардың ірілік жағынан сәйкес келе ме дегенге саяды. Головкин расымен де "Канело" үшін тым ірі ме? Жауап беру қиын, бірақ, біздің спорттың тартымдылығы да осында. Кім намысты қолдан бермей, даңқ төріне шығатынын көрейік", - дейді Уорд ESPN арнасындағы First Take бағдарламасында.

Орта салмақта жеңіліп көрмеген америкалық Луис Ариас та (17-0, 8 КО) осындай пікір айтқан болатын. Оның сөзінше, Головкин-Альварес жекпе-жегінде екеуінің дене айырмашылықтары шешуші болады.