Альварестің менеджері мексикалықтың жұдырықтасуына "он" деген баға қойып, реванш туралы сөз етті
Пікірлер
blog.share
Сауль Альварестің менеджері Хосе Рейносо қазақстандық боксшы Геннадий Головкинмен өткізген жекпе-жегінде жақсы жұдырықтаса білгенін айтып, өзі риза болғанын жеткізді.
"Мен Саульге "он" деген баға қоямын, себебі ол фаворит болған жоқ, алайда жекпе-жекті керемет өткізді. Қорғанысы туралы айтар болсақ, ол шаршы алаңнан беті аман қайтты. Мен оған дән ризамын, жекпе-жек тамаша өтті. Мен және командам осы жетістіктер үшін өзімізді бақытты сещінеміз. Біздің алдымызда жеңілмеген чемпион тұрды, өте мықты, барлығы оның Саульді нокаутқа түсіретінін айтқан еді. Жалпы барлығы жақсы өтті, сол себепті де бір жұмысымызды ары қарай жаолғастырамыз", - деді Рейноса ESPN Deportes басылымына берген сұхбатында.
Сонымен қатар, "Канелоның" менеджері Головкинмен өтетін реванштық кездесудің қай күнге белгіленгені шешілмегенін айтты. Оның айтуынша, мексикалық боксшы шаршы алаңға тек 2018 жылдың мамырында шығады. Ол келесі қарсыласты жақсы бір демалыстан соң бастайды.
"Сауль бұл жылы жекпе-жек өткізбейді, ол мамырда шаршы алаңға шығады. Біз әлі Golden Boy компаниясымен ешнәрсе талқылаған жоқпыз. Демалыстан соң және Golden Boy компаниясымен кездескеннен кейін, Сауль "Канело" Альварестің мансабы үшін не маңызды екенін талқылаймыз. Саульдің мүмкіндігі көп болғаны қандай жақсы. Орта салмақтағы жекпе-жектер қыза түсуде. Альварес өзі үшін бірінші рет жаңа салмақ дәрежесінде өнер көрсетті.
Сонымен қатар, Головкин мен Альварестің помоутерлері реванштық кездесуді 2018 жылы өткізу туралы келіссөздер жүргізуге дайын екендерін жеткізген еді.
Головкин желтоқсанда жекпе-жек өткізуі мүмкін, ал Альварестің командасы қазақстандыққа жекпе-жекке шықпауға кеңес берді, себебі ол шаршы алаңға шыққанда не жарақат алуы мүмкін не жеңіліп қалуы мүмкін.
blog.share
Сауль Альварестің менеджері Хосе Рейносо қазақстандық боксшы Геннадий Головкинмен өткізген жекпе-жегінде жақсы жұдырықтаса білгенін айтып, өзі риза болғанын жеткізді.
/>
Жарнама