Александр Герлиц шаңғы жарысында Паралимпиаданың финалына өтті

Қазақстандық шаңғышы Александр Герлиц спринт сайысында Бейжіңде өтіп жатқан Паралимпиаданың финалына шықты, деп хабарлайды Vesti.kz тілшісі. 

Жартылай финалда отандасымыз бірінші алтылықта өнер көрсетті. 1,5 шақырымның қорытындысы бойынша Герлиц екінші болып мәре сызығын кесіп, финалдық жолдамасына қол жеткізді. 

Бұл алтылықта қытайлық Цай Джаюн бірінші болса, неміс Марко Майер үшінші болды. 

Паралимпиададағы спринт сайысының финалы Нұр-Сұлтан уақыты бойынша 12,10-да басталады. Тікелей эфирде бұл жарысты QazSport арнасы көрсетеді. 

Еске салайық, кеше Александр Герлиц биатлон жарысында үздік үштікке еніп, Паралимпиадада қазақстан құрамасына алғашқы жүлде алып берген болатын.