Қазақстан құрамасы су добынан суперфиналға қатысады

Бүгін, 14 маусым күні Грекия астанасы Афинада басталатын су добынан әлемдік әйелдер лигасының суперфиналына Қазақстан құрамасы да қатысады, деп хабарлайды Olympic.kz.

Қазақстан құрамасы В тобында Испания, АҚШ және Грекия командаларына қарсы ойнайды. Ал А тобына Канада, Венгрия, Жапония және Ресей елдері түскен.  Жарыстың алғашқы үш күнінде топтық кезеңдегі орындарды анықтау үшін іріктеу кезеңі өтеді. Бейсенбі күні ширекфиналдық сайыстар басталады. 

Су добынан ел құрамасының алғашқы қарсыласы Испания командасы болмақ. Ойын Нұр-Сұлтан уақытымен сағат 19:00-де басталады.